سمعت رد الأمـــــــــــان وجيـت ملهوف
كطعت الـــزاد انــــي وجيتك اطــــــراد
اجيت ابـــــاب بيتك يــــا ضــــوه العين
ادك دكت كلب ملهـــــوف مـــــا هــــاد
اصيــــح ابصـــوت ابنك انــــي بل باب
جنسيتي عـــــراقــــي الباب شـو ساد
افتح خــــل اســــولف بيه كــــل الصار
بغيابك همـــومي انخبطن ويــه الــــزاد
يمــــر الليل هـــــــاي الناس كلهه اتنام
وانه اكوامـــه صرت انـــــــه ويه المخاد
اضل سهــــران احسب كل نجـــوم الليل
وادك بــــوق التجمــــع الهــن وتعــــداد
واحسبهن خمـــــس مـــــــــــرات لا اكثـر
واذا اغلط ابعـــــدهــــن كـــل غلط ينعاد
وانـــــه الضنيت انســــــــه ابعــد النجوم
وياخذ مني حــــــزني وكـــل الســـــواد
ويصبرني اعله هجرك يـــــا وطن لحظات
بس عــــــــــدهن ابـــد مـــــا صبر ولا فاد
وينك يــــا وطن شـــــو مــــا فتحت الباب
طك كلبي اعلـــــه شــــــوفك شلع الأوتاد
وينك يا وطن شــــــــو مــــــا فتحت الباب
مـــــــو نشف دمــــــع العين منـــــي انباد
وينك شـــــو مـــــو انتـــــه الفتحلي الباب
طلع جنــــــدي قــــذر من ذولــــــه الوغاد
ضنه امشي اعلــه دربـــــــــه ودرب الأنذال
وعــــرض ليه عمل ويـــا ه بـــــــل موساد
كتله انه ابن العراق وأهلي كــــــــل الناس
شيعـــــه وسنـــه وصـــــــــابئه واكــــراد
مــــو انه الأخـــــونـــــــن والله والعبـــاس
ولا دربــــــي دربـــــك دربــي درب اجهاد
سمع هذا الجــواب ابكل صـــــــلافت عين
منعني اعبــــــــر واطـــــــب الأرض البلاد
ان شاء الله تعجبكم
الثلاثاء أبريل 08, 2008 9:45 pm