دارميــــــات لا باس بيها

ماقصرت وياك لو بينه مريت

احنه النظل خطار وانتم اهل بيت

***

كل دمعه بوسه تريد اقبل يمحبوب

دمع الهلمته عليك خلاك مطلوب

***

لاجلك صمت رمضان والدمع جاري

دهر انا اصوم عليك لو صرت جاري

***

ريتك طفل يفلان سنتين عمرك

وبكيفي ابوس بيك كل لحظه اشمك

***

زين انته عمي تنام تحلم بالاحباب

ماغمضت سنتين وانطر على الباب

***
وين البخت يفلان وتگلي مبخوت

وانا طلعت محسود حتى على تابوت

***
الفگر بس وياك خجلني هواي

تستاهل انته الروح تستاهل جلاي

***
هوه البجي شيفيد لا والله هيهات

لا رجع العدلين لا رجع المات
__________________