عكيد الحاره مشرف المنتدى الادبي
عدد الرسائل : 22 تاريخ التسجيل : 05/04/2008
| موضوع: انفجار ابكيه عدنه ايصير الإثنين أبريل 07, 2008 1:51 pm | |
| اليوم جبتلكم قصيده رياض الوادي ان شاء الله اتنال رضاكم...انفجار بكية عدنه يصير000 ادري شلون مانصعد بعد كية
وصارت دكة بية شلون ذاك اليوم00من باب المعظم جيت عبرية
كعدت وحدة يمي موعجوز تكول0اظن يمكن عمرهه تكول ست مية
كلهه مدكدكة من الرجل حد الراس00لاهي من الجنوب ولاهي كردية
ملحكة على الرشيد وشايفة القعقاع00يمكن حاضره بصلح الحديبية
حطت جيس يمهه الجيس مدري شبيه00كلساع وتمد براسهه شويه
تتلمض عليه وتلتفت كلساع00كلت الموت اجاني وقافلة عليه
كلت علاسة جوز وصعدوهه وياي00دزوهه علي ذوله السرسريه
قلق كلش قلق جبت الدرب تعبان00قلقني الجيس كلش حط مرض بيه
جوز حزام عدهه ومن تفتحه نموت00جوز مفخخه تطلع الحجية
يبس حلكي كلت هسه علينا تثور00 واول واحد آنه يموت بالكيه
امد روحي ردت بس آنه امدهه شلون00الكية هاكبرهه تكول قوطيه
جفتت آنه عليهه وخذت منهه الجيس00كلت ميت بعد شو ماكو كل جارة
طلع كله تتن ثاري العجوز تريد00تاخذ منه حفنه تدخن جكارة مع تحياتي--- | |
|