ما اسال عن لون العيون
ما أسأل ولا اكَـول شنهو اللون بعيــونك
بس اسأل سؤال كبير مو مثـل اليسئلونك
سؤالي ويا النفس طالع مخنوكَـ بالعبره
شمحتاج سولفلي النضر والروح يفـدونك
احس اني صرت وياك يشبهونة بالتــمره
اموت وانقسـم نصيــن لو رادو يطلعــونك
***********************************************
شنهو انته يا بعد روحي
شنهو انته ووين احطك يا سابي الروح هـدني
تاج الملوك على راسي واخلي الملك يعدمني؟
لو كحل بالعين نادر واخلي الناس تحسدني؟
لو عبرة بجي بهالــروح من النفس تحرمني؟
يول هدني
واذا تقبل اعوفك سهم بالكَـلب نابت وتكتلني
السبت أبريل 12, 2008 10:39 am