نصيحة للجرحني كلش حلوة

يبجي وينجرح لو لاكة شمات
يضم روحة بحيث ايبين التم
وتعجبني السيوف بكف السباع
يحمرها الخجل لوما لكة الدم
اذا انتة شفت لتكول ماشوف
تحجي العين اذا لسانك تلعثم
ترة الفلاح من تموت الورود
بغير ورود هوة يروح يشتم
بس شوف الورد لو مات فلاح
من تشمة تلكة بعطرة مأتم
شوف احلى وجه تقراه العيون
لكن بلكلب بس الله يعلم
كلبي كزاز بس ادوسة خسران
اذا هوة انكسر انتة التصب دم
الحسب عقلة كشف صدكني يرتاح
والحسب عقلة يحب صدكني يندم
لذلك انا احب ادم ابو الكل
بس ماحب ابو التفاحة ادم