تريد الصدك لو ابن عمه = مقدمة لكذبة من الحجم العائلي
ومااطول عليك السالفة = جملة محشورة داخل قصة يزيد عدد كلماتها عن 100000000كلمة
ومانشوفلك إلا = يعني موسيقى تصويرية قوتها 7.9 على مقياس ريختر لقصة سخيفة
وما كذبت خبر = عبارة لنفش العضلات وبداية لكذبة ورسم بطولات ما حصلت إلابالخيال
انت بعدك متعرفني زين = تقال عندما يشعرالمتكلم انه تبهذل وانمسحت كرامته
بالكاع
الله يستر عليها = تقال بعد نهاية كل قصة تم فيها نشر جميع بنات المنطقة وصديقات بنات المنطقة عالحبل
والله مكانك خالي وتمنينا تكون ويانه = تقال لحرق أعصاب المستمع واذلال شعوره
بس انت بصراحة يعني لاتزعل مني = مصطلح يهيؤك نفسيا لسماع مسبة ولكن بطريقة مؤدبة
هسه شعلينه احنه = نهاية الحديث البايخ الذي كان يتكلم فيه على غيره بما لايخصه
الله كريم و ان شاء الله مااقصر وياك= بعبارة أخرى.. انسى الموضوع
بس لا يروح فكرك بعيد= يعني سوي نفسك مسمعت كل البلاوي ال حجيتلكياها
والله لو ادري ولااعوفك =عبارة لتحميل منية ببلاش فوق الهم الأكله
لا تطلب الحاجة الا من اهلها = واحد رايد يتداين منك واذا جنت زوج راح تداينة
خمس دقايق واني يمك = اذا عراقي يعني مابين ساعتين الى 4 ساعات واذا مصري روح نام والصباح رباح
الله لا يجعلها غيبة= اكيد الغيبة مشتغلة من الصبح
الحجي بيناتنا=يعني المحلة كلها تعرف
الله يحفظه =الله ياخذه اليوم كبل باجر
ان شاء الله تكون عجبتكم..
::..نور العين..::
الإثنين مايو 26, 2008 9:09 pm
