لا تظن
لا تظن كبرت راسك من اجيتك
ترا الراس العفن مـــا تكبر جية
و لو أنتا اساسا ما ألك راس
و انــــــا الذيل ما يكبر عليا
امكلبك صفحة صفحة و ممتحن بيك
و انا امضعضع أخذ بيك ميــــــــــة
اريدك مرة و حدا أتصير حساس
وتفهم هاي المسألة يل خنت بيه
النخل يوكف بوجه الشمس مرتاح
لأن يكسر على الفلاح فيــــــــــــا
و انت أسنين كلهن ضاعن وياك
و انــــا بقاموسك أمسجل ضحية
هويتك اني بس اتعيفني أضيع
لأن كلشي يضيع بلا هوييه
النهر باقي نهر لأن حاضن الماي
ويسمى جرف لو عافا ميــــــــــا
عشرتي و يـــــاك لا تنكرها يفلان
و لا تنكر الايام الي كضينها سويا
ترا العشرة عصة لاتصير فرعون
بـــــــس تنكرها تنكلب عليك حية
ما طخ راس الك لو تنكلب سيف
و ظل تذبحني صبح ومسيـــــــة
علمني جرحك حكمة أكبرت و ياي
و احسها أنطبقت فعلا عليـــــــــــة
ما أوكع أذا دفعوني عدوان
بس أوكع اذا دفعتني أديـه
الإثنين أبريل 14, 2008 4:02 pm