هيكارو في خطر

مغامرات الفضاء:
هذه الحلقة...... هيكارو في خطر

فد يوم دايسكي وكوجي وهيكارو( الحجي بيناتنة كوجي يريد يصارحهة لهيكارو وحاط عينة عليهة) .
جانوا دايحين بالحصونة مالتهم ودايسكي شايفي من يفيك ما اسولفلكم علي............ ..
بهاي الاثناء جان يدك الموبايل مال دايسكي (علي علي بطل فليت هيا طر يا كريندايزر) جان دايسكي يكول يا فتاح يا رزاق خير شكو من الصباحيات هيكاروا نصي صوتج خل اسمع........
جان تكلة افتح سبيكر خاف اكو مهمة وانت متريد اجي وياكم ... فكلهة اي مو انت شلون مشرمتهة!!!!
وهنا فتح دايسكي(دايسكي الزرع) سبيكر وكال الوووو..
وجان يطلعلة دكتور امون: ولك دايسكي مروتك اجونة .. بروح ابوك ... بروح امك...
جان يروحون دايسكي وكوجي وهيكارو لمركز الابحاث جان يشوفون عاجل بالتلفزيون من قناة الجزيرة في قطر(قطر سريع الاشتعال)اليكم اهم الانباء .....قامت قوات من فيكة (فيكة مال حليب ونستلة)المتحالفة بهجوم بالوحش (سجينة ام الياي) على كوكب الارض وقام الوحش بعلس 90 مواطن من كوكب الارض الا حد الان... يذكر ان الوحش سجينة ام الياي قد شارك بمعركة تحرير الفاو ضد القوات العراقية في الحرب........
وهنا دايسكي صعدت عندة الغيرة وكال: يا كاع اترابج كافوري -- يا كاع انشكي و بلعيني.....
وركض على كريندايزر وجان ستوة طالع من الغسل والتشحيم ... دوووووووووووووووووووووق فلييييييييييييييييييييييييت ..هاي العبارة السامعيهة اكثر من طربك طعش مرة ......
جان يكعد بكريندايزر ونكر سلف وعدل للبوابة رقم سبعة .... كوجي وهيكارو هم طلعوا بهاي الاسلحة الشكاكية مالتهم .....بس المركبة مال هيكارو مابيهة مصفي وهذا كورو خامط منهة 20 لتر للمولدة حتة يلعب اتاري وية دامبي ومكايل لهيكاروا ....
مناكة دايزر طاير و ........ الله ....... بكل سرعتة راد يندعم على القناة ... صار كدامة رتل امريكي بس ربكم ستر منا منا.....جان يطلع الوحش مال فيكة او منو ابطنة؟(بلاكي).... الوحش طلع كرك و ضرب كريندايزر بالجاملخ مالتة ..... جان يطك الايرباك بوجه دوق فليت ... بس دوق فليت مسوة فليت لا ....صاح ... اصمد دايزر..وطلع جعبتة..ومنا منا سيطر كريندايزر على الوحش وشال هاي الفاسة ام الراسين ويريد يكطع راس الوحش....
هنا بلاكي كام يتوسل:يمعود دوق فليت .. انطينة فنتك..يمعود صاحب عايلة..يمعود الناس تموت بالشوارع..كول الله ...صلي على محمد..ماكوا كريندايز كلة اليوم اليوم .... هناكة وجابوا هيكارو اسيرة الجنود مال فيكا...دايسكي...هيكارو هاي شجابج هنا... كلتلة يمعود غير خلص البانزين مال مركبة مالتي من ورة هذا كورو واليوم فردي ...دايسكي كلهة بابا شردي..كلتلة ماكوا اليوم الا اموت وياك...يمعودة فلتي مقبلت..مناكة وجان يكوم الوحش ويضرب كريندايزر...
دايسكي صار عصبي وعاط على هيكاروا .. هاي الردتيهة؟؟؟ عاد منا منا....رعد الفضاء ستر عليهم وكوجي خلص هيكاروا..وبلاكي شرد..وثاني يوم من الصبح موبايل دايسكي دك

memogenius